(Bilete av Sophie Riis som Yelena Belova er teke av Mathilde Sommer, og som Princess Peach er teke av Tine Riis.)

Vil du lære kva cosplay er – og korleis du kan kome i gang sjølv?
Sophie Riis er ein erfaren cosplayer med heile 16 år bak seg i miljøet. I dette foredraget gir ho ei praktisk og inspirerande innføring i cosplay-verda, med tips, erfaringar og råd som passar både for nybyrjarar og dei som vil ta steget vidare.

Sophie jobbar til dagleg som autorisert frisør og i det kreative byrået Tinerific, der ho mellom anna bruker kompetansen sin innan parykk, sminke og sceneprestasjonar. Ho har reist rundt i Skandinavia som cosplaydommar, jobba som cosplayer i Japan, og har sjølv vore med å arrangere con i Noreg sidan 2011.

Stad: Storsalen, Sogndal Kulturhus.
Dato og tid: Laurdag 28. februar kl. 13:00-13:45.
Gratis, berre møt opp!

! I tillegg til foredraget held Sophie også cosplay-kurs med SFX under SognaCon, og ho stiller som dommar i cosplaykonkurransen søndag.
Få også med deg GRWM med Wenke Jortveit laurdag.