Under SognaCon 2026 inviterer Sogndal Bridgeklubb og Luster Bridgeklubb til eit sosialt og lettbeint kræsjkurs i bridge – perfekt for nybyrjarar!

Bridge er eit av verdas mest populære kortspel, der ein spelar på lag to og to. Spelet handlar om kommunikasjon, logikk og smarte løysingar – og mange blir overraska over kor gøy det er når ein først kjem i gang.

Kurset varer i 2 timar, passar for alle frå 12 år og oppover, og vaksne er sjølvsagt like velkomne. Her treng du ingen forkunnskapar – berre lyst til å lære noko nytt og spele saman med andre.

Bridgeklubbane i Sogndal og Luster har lang erfaring med å skape gode, inkluderande spelemiljø, og gler seg til å vise fram spelet til nye spelarar under SognaCon.

Velkomen til kortspel, latter og nye utfordringar!

Stad: Klasserom3 i 2. etasje, Sogndal Kulturhus.
Dato og tid:
Laurdag 28. februar kl. 12:00-14:00.
Søndag 1. mars kl 12:00-14:00.
Gratis, men hugs å ta ut gratisbillett.

Trykk på klokkeslettet øvst for å få billett.

Har du billett, men kan ikkje likevel?
Gi beskjed til pelle@kulturhus.no