Funcom er det mest kjende norske spelselskapet, og står bak internasjonalt kjende spel som Conan Exiles, Anarchy Online og i det siste: Dune: Awakening. Funcom har i mange år vore ein viktig aktør i spelbransjen, både i Noreg og globalt. No kjem dei til SognaCon for å dele innsikt frå innsida av eit profesjonelt spelstudio – og fortelje om kva som skal til for å skape spel som når ut til eit stort publikum.

I foredraget får du høyre om korleis det er å jobbe med spelutvikling, korleis Funcom jobbar i kvardagen, og kva som er viktig når ein skal bygge verdener, lage nivå og designe gode speleopplevingar. Dette blir ei inspirerande økt for både deg som berre elskar spel – og for deg som drøymer om å jobbe med spel i framtida.

Etter foredraget blir det òg ei lita Q&A, der publikum kan stille spørsmål.

Foredraget passar for både ungdom, vaksne, gamarar, kreative sjeler – og alle som er nyfikne på spel og teknologi.

Stad: Storsalen, Sogndal Kulturhus.
Dato og tid: Laurdag 28. februar kl. 15:00-15:45.
Gratis, berre møt opp!