I denne workshopen vil Carte Blanche dansar Mai Lisa Guinoo utforske bevegelsesmateriale til førestillinga «But Then, We’ll Disappear (I’d Prefer Not To)» av den kanadiske koreografen Frédérick Gravel. Workshopen vil starte med ein improvisasjonsoppvarming, og etterpå vil me saman utforske dei forskjellige oppgåvene og metodane som var utgangspunktet for skapinga av framsyninga saman med Frédérick Gravel.

Mai Lisa Guinoo er fødd i 1990 og kjem frå Bergen. Ho er utdanna ved Kunsthøgskolen i Oslo og har ein BA i klassisk ballett frå 2009. Etter å ha fullført graden sin ved Kunsthøgskolen, byrja ho som aspirant i Carte Blanche.

I 2010 flytta Mai Lisa til Barcelona for å danse i juniorkompaniet IT Dansa og i 2012 dansa ho for Rambert Dance Company i London. Frå 2013 til 2023 dansa ho for Göteborgs Operans Danskompani i Sverige, under leiing av Adolphe Binder og Katrin Hall. I løpet av hennar karriere har ho jobba med koreografar som Sharon Eyal, Damian Jalet, Sidi Larbi Cherkaoui, Saburo Teshigawara, Ohad Naharin, Alexander Ekman, Imre & Marne Van Opstal, Constanza Macras, Michael Keegan Dolan, Stijn Celis, Roy Assaf og Anton Lackhy, for å nemne nokre.

I 2018 og i 2020 tok Mai Lisa permisjon frå Operaen i Göteborg for å jobbe som frilansar. I løpet av desse åra jobba ho med Alan Lucien Øyens «Winter Guests», Nagelhus Schia Productions, Felix Landerer, Moritz Ostruschnjak og Carte Blanche. Ved sidan av å jobbe som dansar, har ho undervist rundt omkring i Noreg og i Sverige. I 2021 mottok ho sin Yoga Alliance-lærarsertifisering. Mai Lisa fikk fast tilsetjing i Carte Blanche i 2023.

Stad: Blaoboxen, Sogndal Kulturhus.
Tid og dato: Tysdag 9. april, kl.15:00 – 16:30.
Aldersgrense: 12 år.
Billettprisar:
-Workshop: Gratis, men du må ha billett.
-Workshop + Carte Blanche si framsyning "But Then, We'll Disappear (I'd Prefer Not To)" : kr 150,- (rabattert pris til Workshop-deltakarar)

Sikre deg billett ved å trykke på dato og klokkeslett under bilete øvst på sida.

NB! Maks 20 personar kan delta. Så her er det første danser til mølla :)