Med NRK-mikrofonen tett til brystet, i uver og flyalarmar og med flammande nynorsk, har vi fått innblikk i gode og særs utfordrande tilstandar i Mellom- og Aust-Europa. Roger Sevrin Bruland er frå Utvik i Stryn og har dei siste 15 åra arbeidd for NRK. Han er tidlegare Berlin-korrespondent og har det siste året mellom anna gitt oss nyhende frå Ukraina. No kjem han på turne med eit foredrag om kvardagen som Berlin-korrespondent, og korleis han med sine erfaringar kan gje eit bilete av Europa i dag.